"Survivor" faciəsindən möcüzə qurtuluş

Argentinanın La Rioja əyalətində "Survivor" realiti-şounun çəkilişləri zamanı baş verən faciəli qəzada Fransanın üzgüçülük üzrə olimpiya çempionu Alain Bernard möcüzə nəticəsində sağ qalıb.

ANN.Az xarici ölkə mediasına istinadən xəbər verir ki, çəkiliş üçün helikopterə minən heyət üzvlərinin sayı çox olduğundan pilot "kimsə aşağı ensin, ağırlıq var" deməsi ilə Bernard centlmensayağı aşağı enib, bu isə onun möcüzə nəticəsində sağ qalmasına səbəbə olub.

Hələ də yaşadığı hadisənin şokundan çıxa bilməyən idmançı özünün "Twitter" profilindən belə bir açıqlama yayıb: "Bu matəm anında bütün düşüncələrim və fikrim faciə qurbanlarının ailələri və yaxınları ilə birlikdədir. Həyat çox ədalətsizdir!".

ANN.Az