Putin Yerevana gəlir - qondarma erməni soyqırımının 100 illiyinə

Rusiya Federasiyasının prezidenti Vladimir Putin qondarma erməni soyqırımının 100 illiyi münasibətilə təşkil olunacaq tədbirə qatılacaq

ANN.Az xarici ölkə mediasına istinadən xəbər verir ki, Rusiya prezidenti Vladimir Putin qondarma erməni soyqırımının 100 illiyi münasibətilə Ermənistan paytaxtı Yerevanda təşkil olunacaq tədbirə qatılacaq.

Kremlin mətbuat bürosunun yaydığı məlumata görə, Putin və Ermənistan prezidenti Serj Sarkisyan arasında telefon danışığı olub. Açıqlamaya görə, Putin aprelin 24-də Yerevanda təşkil olunacaq qondarma soyqırım tədbirinə qatılacaq. Putin də öz növbəsində Sarkisyanı Sovet İttifaqının faşizm üzərində qələbəsinin 70-ci ildönümü münasibətilə mayın 9-da Moskvada təşkil olunacaq Zəfər Bayramına dəvət edib.

ANN.Az