Gənclərin intiharının qarşısını almaq üçün telefon funksiyası

Cənubi Koreya hökuməti məktəb şagirdlərinin intihar etmələrinin qarşısını almaq məqsədilə qeyri-adi tədbirlərə əl atıb.

Qeyd edək ki, hər il Cənubi Koreyada 800-dən çox ibtidai və orta məktəb şagirdləri intihar edir. Onların əksəriyyətinin intihar etməzdən əvvəl internetdə araşdırma apardıqları məlum olub.

ANN.Az xarici ölkə mediasına istinadən xəbər verir ki, Cənubi Koreyanın təhsil naziri Hwang Yeo-woo keçirdiyi mətbuat konfransında son illər şagirdlər arasında artan intihar hallarından narahatçılıq keçirdiyini dilə gətirib. Nazir 18 yaşdan aşağı ağıllı telefon istifadəçisi olan şagirdlərin internetdə intiharla bağlı araşdırma aparmağa mane ola biləcək sistemin quraşdırılacağını bildirib. O, eyni zamanda uşaq və yeniyetmələrin zəng və ya mesajlaşmaları zamanı intiharla bağlı hər hansı fakta rast gəlinərsə, bu barədə təcili valideynlərə xəbər veriləcəyini qeyd edib.

ANN.Az