"Yalandır" - Putinin mətbuat katibi

Rusiya prezidenti Vladimir Putinin mətbuat katibi Dmitri Peskov prezidentin idmançı Alina Kabayevadan oğlunun dünyaya gəlməsi haqda xəbəri təkzib edib. Musavat.com xəbər verir ki, bu barədə o, "Forbes” nəşrinin xahişinə cavab olaraq bildirib.

"Vladimir  Putinin övladının dünyaya gəlməsi haqda informasiya həqiqətə uyğun deyil. Planlaşdırıram ki, imkanlı adamlara müraciət edim ki, ən yaxşı jurnalist zarafatı üçün müsabiqə elan eləsinlər” – deyib Peskov.

Qeyd edək ki, Kreml başçısının oğlunun doğulması haqda yoxlanılmamış xəbərlər son günlər bəzi Avropa nəşrlərində yer almışdı.

Putinin hazırda Marina və Katerina adlı iki yetkin qızı var.