İŞİD lideri peyğəmbəri yuxuda gördü və belə əmr etdi

Kürdüstan Demokratik Partiyasının internet saytında yerləşdirilən xəbərə görə, İŞİD lideri Əbu Bəkr əl-Bağdadi yuxusunda Məhəmməd peyğəmbəri görüb və ondan göstəriş alıb.

ANN.Az xarici ölkə mediasına istinadən xəbər verir ki, Bağdadi ilə bağlı gündəmə yeni iddialar ortalığa atılıb. Belə ki, guya Bağdadi yuxusunda Məhəmməd Peyğəmbəri görüb və ona heç bir döyüş olmadan Mosulu tərk etməsini tapşırıb.

İŞİD qaynaqlarının yaydığı xəbərə görə, Tikrit şəhərinin tərk edilməsi də Bağdadinin şəxsi əmri ilə həyata keçirilib.

Qeyd edək ki, bir neçə gün öncə azad İraq ordusu peşmərgə güclərinin sayəsində uzun müddət terrorçuların nəzarətində olan Tikrit şəhərini azad etmişdi. Mütəxəssislər hesab edir ki, bu şəhərin azad edilməsi İraqın ən böyük şəhərlərindən biri olan Mosulun da terrorçulardan xilas edilməsi üçün atılan ilk addımdır.

ANN.Az