İŞİD bu dəfə tarixi kilsəni dağıtdı

Terror təşkilatı İŞİD İraqda xristianlara aid qədmi əsərlərin toplandığı tarixi kilsənin dağıdılmasını əks etdirən fotoları yayıb.

ANN.Az xarici ölkə mediasına istinadən xəbər verir ki, İŞİD terrorçuları Asur imperiyasının paytaxtı olan Ninova şəhərində yerləşən bir kilsənin dağıdılması fotolarını yayımlayıb. Fotolardan görünür ki, mülki geyimli İŞİD terrorçularının heykəlləri yıxdığı, dini simvolları təhqir etdiyi və kilsə üzərərindəki xaçı yıxıb yerinə İŞİD bayrağını asıb.

Xatırladaq ki, mart ayının əvvəllərində İŞİD döyüşçüləri İraqın şimalında yerləşən Sürtani Nimrud şəhərindəki Aşurnasirpal Sarayının qapısında olan 3 min illik heykəlləri dağıdıb. Eyni zamanda terrorçular UNESCO-nun dünya mirası siyahısına daxil edilən və iki min illik Hatra bölgəsini yerlə yeksan edib, eləcə də Mosuldakı Xalq Kitabxanasında 10 minə qədər əlyazmalarını, eləcə də qədimi kitabları yandırıb.

ANN.Az