Putin separatçı rejimlə müdafiə paktı imzaladı

Rusiya prezidenti Vladimir Putin matın 18-də Gürcüstanın separatçı regionu ilə pakt imzalayıb. Tbilisi və Qərb bu sənədi pisləyib.

Putinlə Cənubi Osetiyanın de-fakto lideri Leonid Tibilov "alyans və inteqrasiya” paktına Kremldə imza atıb. Sənəd Rusiya üzərinə Cənubi Osetiyanın müdafiəsi və təhlükəsizliyi baxımından məsuliyyət qoyur. Regionun təhlükəsizlik və müdafiə qüvvələri isə Rusiya orqanları ilə birləşdirilir.

Gürcüstanın xarici işlər nazirliyi bəyanat yayaraq bu paktı işğal altında olan Tsxinvali regionunun Rusiya tərəfindən faktiki anneksiyası kimi dəyərləndirib.

Rusiya 2008-ci ildə Gürcüstanla beş günlük müharibədən sonra Cənubi Osetiyanın müstəqilliyini tanıyıb.