Yanukoviçin oğlunun ölümü təsdiqləndi

Ukraynanın Regionlar partiyası ölkənin keçmiş prezidenti Viktora Yanukoviçin kiçik oğlunun ölümünü təsdiqləyib.

 

ANS PRESS-in məlumatına görə, partiya kiçik Yanukoviçin ölmü ilə bağlı ailəyə başsağlığı verib. Valideynlərə və onun dul həyat yoldaşına ünvanlanmış başsağlığında dünyasını dəyişmişlə bağlı xoş sözlər bildirilib.

Bildirilir ki, partiyadan Ali Radaya deputat seçilmiş ən gənc nümayəndələrdən birinin 33 yaşı olub.

"Biz Viktor Yanukoviçin valideynlərinə, onun dul qadını Olqaya və oğlu İlyaya başsağlığı veririk. Onların dərdinə şərikik".

Xatırladaq ki, Ukraynanın keçmiş prezidentinin oğlunun ölümü haqqında məlumat ötən gün yayılıb. İddialara görə, onun idarə etdiyi mikroavtobus Baykalda batıb. Bu məsələ ilə bağlı hələlik heç bir rəsmi açıqlama verilməyib. 

Maşında sürücü ilə yanaşı daha 5 nəfər olub. V.Yanukoviçin Krımda dəfn ediləcəyi deyilir.