Çin bunu da etdi

ABŞ-ın Sakit Okean Donanmasının komandanı, admiral Harri Harris Cənubi Çin dənizində Çin hökumətinin süni adacıqlar yaratdığını deyib.
 
ANN.Az xarici ölkə mediasına istinadən xəbər verir ki, admiral Harris bu süni adaları "Çin Səddinə" bənzədib və onları "Qum Səddi" kimi qiymətləndirib.
 
Dənizin dibinə vurduqları beton üzərinə qum səpərək 4 kvadrat kilometr süni adalar yaradıldığına diqqət çəkən admiral Harris sözügedən tikintinin nə üçün edildiyi barədə ciddi sdüşünülməyi vacib hesab edib.
 
ABŞ Milli Kəşfiyyat direktoru Ceyms Clapper fevralın 27-də Senatın Silahlı Qüvvələr Komitəsində çıxışında Cənubi Çin Dənizində gəmilər üçün yeni bir mərkəz və təyyarə meydançaları inşa etdiyi xəbərdarlığını etmiş, tikintiləri davam edən məntəqələrə hansı növ silah və şəxsi heyət saxlayacağını hələ məlum olmadığını bildirmişdi.
 
Clapper Çinin son 1,5 ildə Cənubi Çin Dənizindəki aktlarının və mübahisəli adalar yaxınlığında neft axtarışı qərarını almasının "narahatlıq verici" olduğunu demiş və Çinin 1948-ci ildə tərtib olunan "Doqquz Xətli Xəritəyə" əsasən Cənubi Çin Dənizinin təxminən 80 faizinin öz su sərhədləri olduğunu iddia etməsini "hədsiz istək" kimi qiymətləndirmişdi.
 
İclasda Komitə sədri,  senator Con Makkeyn də ötən il Çinin işğalı altındakı Gaven Qayalıqlarını genişləndirdiyinə dair peyk görüntülərini göstərmişdi.
 
Pekin rəhbərliyi Cənubi Çin Dənizində başda Filippin olmaqla Vyetnam, Bruney və Malayziya kimi region ölkələri ilə suverenlik mübahisələri yaşayır.
 
Filippin rəsmi Pekinin Cənubi Çin Dənizindəki fəaliyyəti ilə bağlı BMT-nin Daimi Mülki Məhkəməsinə şikayət edib, Vyetnamda isə Çin əleyhinə nümayişlər keçirilib.



www.ann.az