Dubay cəhənnəmə döndü - VİDEO

Birləşmiş Ərəb Əmirliklərini nəhəng toz buludu vurub. Bir çox Körfəz şəhərlərində toz buludu görüş məsafəsini azaldıb, havaya və nəqliyyata ciddi təsir göstərib. 

ANN.Az "BBC"yə istinadən xəbər verir ki, əlverişsiz hava şəraiti nəticəsində güclü külək səhradan qalın qum və toz buludunu Körfəz şəhərlərinə gətirib. 

Pis hava şəraiti hava limanlarına da təsir göstərib. Dubayın iki məşğul aeroportunda gecikmələr baş verib, bir çox sərnişin reysləri gözləməli olub. 

BƏƏ-nin paytaxtı Abu Dabidə görüş məsafəsinin azalması ciddi yol qəzalarına səbəb olub. 

Milli Meteorologiya və Seysmologiya Mərkəzi görüş məsafəsinin daha da azalacağını və belə hava şəraitinin daha bir neçə gün davam edəcəyini bildirib. 

Qum fırtınasıyla bağlı çox sayda insan tənəffüs problemləriylə əlaqədar xəstəxanalara müraciət edib.