Baş transfer ediləcək - İLK DƏFƏ+FOTOLAR

Elm aləmində "dəlisov" kimi tanınan çılğın italyan cərrahın baş nəqli layihəsinə razılıq verən bir nəfər rusun başı  gələcək il 36 saat davam edən əməliyyatla daha sağlam bir bədənə transfer olacaq.

Rus kompüter mühəndisi Valeri Spiridonov dünyanın ilk bədən nəqli əməliyyatına könüllü olub. Anadangəlmə bir xəstəliyi olan 30 yaşlı rus insan zəkasının sağlam bir bədənə nəql edilməsini irəli sürən italiyalı cərrah Sergio Canaveroya güvəninin tam olduğunu deyib.
 
11 MİLYON DOLLARLIQ XƏRC

Ölmədən öncə sağlam bir bədəndə yaşamaq şansını dəyərləndirmək istədiyini vurğulayan Spiridonov əməliyyatın gələcək il reallaşmasını ümid edir. Canavero və Spiridonovun bu ana qədər yalnız internet üzərindən ünsiyyət qurduqları, ikilinin yaxın zamanda bir araya gəlməyi planlaşdırdığı qeyd edilib. Təxminən 36 saat davam etməsi nəzərdə tutulan əməliyyatın 11.2 milyon dollara başa gələcəyi hesablanır.
 
Donor beyin ölümünün baş verdiyi sağlam bir şəxsdən gəlməsi tələb olunur. Canavero əməliyyat zamanı xəstənin başının donor bədənə "polietilen glikol" adlı yapışqan maddəylə birləşdiriləcəyini deyir.
150 HƏKİM VƏZİFƏ ALACAQ

Əzələlərin və damarların tikilməsindən sonra xəstə 4 həftəlik bir koma dövrünə buraxılacaq. Bunun sayəsində bədən başını tərpətmədən sağalma prosesi keçəcək. İtaliyalı cərrah təxminən 150 həkim və tibb bacısının əməliyyatda iştirak edəcəyini deyib.
EKSPERTLƏR: "MÜMKÜN DEYİL"

Bir çox həkim və tibb mütəxəssisi baş nəqlinin hazırda mümkün olmadığını bildirirlər. Əlil bir bədənə malik olan Valerinin bu istəyini qəbuledilməz hesab edirlər.

www.ann.az