Ermənistanda əsgər anaları etiraz aksiyası keçirdi

Oxu.Az erməni KİV-nə istinadən xəbər verir ki, həlak olan əsgərlərin valideynləri Baş prokuror Gevorq Kostanyanın illik hesabatı üçün Ermənistan parlamentinin qarşısına toplaşıblar.   

Sənədin təqdimatı növbəti dördgünlükdə baş tutacaq. Analar baş prokurorun onların oğullarının ölümü ilə bağlı cinayət işlərinin açılmamasını necə izah edəcəyini və deputatların orduda baş verən cinayətlərə dair məsələni qaldırıb-qaldırmayacaqlarını bilmək istəyirlər.

Müzakirəyə qədər hərbçilərin valideynləri Ermənistan prezidentinin rezidensiyası qarşısında aksiya keçirərək Parlament binasına yollanıblar.

Valideynləri respublikaçı deputat Samvel Farmanyan dinləyib. O qeyd edib ki, oğullarını itirmiş valideynləri ovundura bilmir və bunun nə dərəcədə ağır olduğunu anlayır, çünki onun əmisi oğlu da orduda həlak olub.