Gürcüstandan İstanbula cəmi 30 avroya

Həftədə üç dəfə uçuşlar.

Pegasus aviaşirkəti cəmi 29,99 avro qiymətə yeni Kutaisi-İstanbul reysini açır.

Oxu.Az gürcü mətbuatına istinadən xəbər verir ki, Gürcüstanın sərnişinləri ucuz qiymətə İstanbul vasitəsilə Avropa ölkələrinə uçmaq imkanı əldə edəcəklər.

Belə ki, Türkiyənin Pegasus aviaşirkəti gələn ay Kutaisi-İstanbul reysini açır.

Türkiyənin az büdcəli aviaşirkəti olan Pegasus Airlines gürcü aviabazarında rəqabəti artırmaq və aviabiletlərə olan yüksək qiymətləri azaltmağa ümid edir.

Kutaisidən İstanbula biletlərin qiyməti cəmi 29,99 avrodan başlayır.

Mayın 19-dan sərnişinlər Kutaisi-İstanbul marşrutu ilə həftədə üç dəfə - çərşənbə axşamı, cümə axşamı və şənbə günləri uça bilərlər.