Erməni müxalifətçilərinə çevriliş ittihamı: 5 nəfər həbs olundu

Ermənistanda həbs olunan "Təsis parlamenti”nin koordinatoru Jirayr Sefilyana qarşı kütləvi iğtişaşların hazırlanması ittihamı irəli sürülüb.

Oxu.az erməni KİV-nə istinadən bildirir ki, "Təsis parlamenti”nin daha dörd üzvü - Varujan Avetisyan, Qareqin Çuqaszyan, Pavel Manukyan və Qevork Safaryan da eyni ittihamla həbs edilib.

Qeyd edək ki, öncə "Təsis parlamenti” "erməni soyqırımı”nın 100 illiyini hakimiyyətsiz keçirməyə çağırmışdı və bu, ölkənin bütün siyasi qüvvələri və ictimai təşkilatlarının sərt reaksiyasına səbəb olmuşdu.