Britaniya hava məkanında Rusiya təyyarələrini “tutub”

Bu hadisə Britaniyada 50 gəminin iştirakilə NATO manevrlərinin keçirildiyi həssas bir zamana təsadüf edib.

Britaniya Kral Hərbi Hava Qüvvələrinin qırıcıları Birləşmiş Krallığın hava məkanı yaxınlığında iki Rusiya təyyarəsini aşkar edib.

Britaniyanın Müdafiə Nazirliyi xəbəri təsdiq edib.

Bu hadisə Britaniyada 50 gəminin iştirakilə NATO manevrlərinin keçirildiyi həssas bir zamana təsadüf edib.

Müdafiə Nazirliyi bildirir ki, Rusiya təyyarələrini nəzarətdə saxlamaq üçün havaya Typhoon qırıcıları qaldırılıb.

Bundan sonra Rusiya təyyarələri dönərək geri qayıdıb.

Rusiya təyyarələrinin "Ayı” kimi tanınan bombardmançı olduqları güman edilir.

Rusiya Müdafiə Nazirliyi bu hadisədə qeyri-adi heç nəyin olmadığını bildirib.

General-mayor Igor Konashenkov İnterfax agentliyinə deyib ki, Rusiya təyyarələri beynəlxalq qaydalara uyğun uçuş keçiriblər.

"Sadəcə olaraq onlar buna "təyyarə tutmaq”, biz isə "təyyarəni müşaiyət etmək” deyirik” – deyə bildirib general-mayor. /azadliq.org