İŞİD əks-hücuma keçdi

İslam Dövləti yaraqlılarının İraqın Ramadi şəhərində əks-hücuma keçdikləri xəbər verilir.

Yerli sakinlərin sözlərinə görə yaraqlılar aprelin 15-də bu ərazidə 3 kəndi ələ keçiriblər.

Associated Press agentliy iSjariyah, Albu-qanim və Soufiya kəndlərinin günortayadaək yaraqlılar tərəfindən zəbt edildiyini xəbər verir.

Məlumatlara görə, hazırda Ramadinin şərqində, hökumət binalarının 2 kilometrliyində döyüşlər gedir.

Hökumət qüvvələrinə havadan da dəstək göstərilir.

Yeni döyüşlər İraq qüvvələrinin yaraqlıları Ramadinin şimal-şərqindən çıxarmasından 2 gün sonra başlayıb.

Hazırda İraq və Suriyanın bir sıra rayonları İslam Dövləti yaraqlılarının nəzarətindədir. /Azadliq.org