Erməni diasporundan Obamaya sərt reaksiya

ABŞ prezidenti Barak Obamanın 24 aprel açıqlaması erməni diasporunun sərt reaksiyasına səbəb olub.

ANN.Az Türkiyə KİV-nə istinadən xəbər verir ki, Amerika Erməni Milli Komitəsinin (ANCA) direktoru Aram Hamparyan açıqlamasında bildirib ki, Obama "soyqırım" ifadəsi ilə söz oyunu oynayır və həqiqətlərdən qaçdığını bir daha ortaya  qoyur.

Hamparyan "Obamanın Ankaranı məmnun etmək üçün etdiyi yanlış cəhdinin yalnız Vaşinqtonun bərpa edəcəyini" iddia edib. Kaliforniyada erməni və ingilis dillərində nəşr olunan "Asbarez" qəzetinin internet saytında yer alan açıqlamasında Hamparyan bildirib: "Amerika erməni soyqırımı haqqında dürüstcə danışan və bütün soyqırımlara şiddətlə qarşı çıxan bir lideri haqq edir. Çox təəssüf ki, Obama dünyaya o cür rəhbər olmadığını sübut etdi".

OBAMA-NIN 24 APREL AÇIQLMASI

Amerika Erməni Assambleyası Direktoru Bryan Ardouni isə qeyd edib ki prezident Obamanın erməni soyqırımı haqqında etdikləri dünya lideri standartlarına uyğun gəlmir".

Bundan başqa, Ardouni əlavə edib: "Dünya bilməlidir ki, bizim prezidentimiz Türk inkarına boyun əyib, Amerikalı ermənilər və başqa vicdanlı insanlar tariximizin toz kimi itməsinə  icazə verməyəcək".


www.ann.az