“Google” Avropada mətbuatın inkişafına 150 milyon avro ayıracaq

 

"ICTnews" elektron xəbər xidməti "siliconrus.com" saytına istinadən bildirir ki, "Financial Times", Britaniyanın "Guardian", İspaniyanın "El Pais", Almaniyanın "Die Zeit" və başqa nəşrlər internet nəhəngi ilə ittifaqa daxil olublar. İT nəhəngi üç il ərzində yuxarıda sadalanan nəşrlərə öz  layihələrinin inkişafı üçün qrantlar ayıracaq, həmçinin jurnalistlərin internetdəki fəaliyyəti üzrə təlimlər keçirəcək.

 

"Google"un Avropada strateji inkişaf direktoru Karla D'Asaro Bondo "FT" nəşrinə müsahibəsində deyib ki, şirkət Avropa KİV-nin tənqidinə hədəf gələn "Google News" xidmətinin iş strategiyasını dəyişdirə bilər. "Mən mətbuat üçün daha yaxşı olanı etmək istəyirəm və bilirəm ki, biz bunu edə bilərik" – o deyib.