Avropada daha bir türk muxtariyyəti yox edilir

 

Axar.az xəbər verir ki, bu açıqlama ilə Qaqauziya Xalq Məclisinin Hüquq komissiyasının sədri İvan Burqudji çıxış edib.

 

Onun sözlərinə görə, mayın 8-də Moldova parlamentinin plenar iclasında Qaqauziyanın statusunda dəyişikliklər edilməsi məsələsi müzakirə ediləcək:

 

"Həmin məsələ 2004-cü ildə də parlamentdə irəli sürülmüşdü, lakin o zaman qanunverici orqan bunu müzakirə etməmişdi. O zaman qaqauzlar buna kəskin etirazlarını bildirmişdilər. Əgər Kişinyov o zaman başqa cür hərəkət etsəydi, ölkədəki ictimai-siyasi vəziyyət dəyişmiş olardı”.

 

Qeyd edək ki, Qaqauziya Moldovanın Qərbə tərəf istiqamətlənən siyasətini bəyənmir və Kişinyovun Avropa Birliyi ilə imzaladığı assosiativ üzvlüklə bağlı müqavilədən çıxmasını istəyir. Bunun qarşılığında isə o, Avrasiya İttifaqı ilə münasibətlərin Moldovaya daha çox xeyir gətirəcəyini bildirir.