Qorbaçov Obamanın hərəkətlərini qınadı

"Sovet İttifaqının faşizmə qarşı apardığı mübarizəyə öz münasibətini bildirmək imkanını iqnor etmək, insanların "qəhvəyi vəba”ya qarşı göstərdikləri sərhədsiz şücaətə qarşı hörmətsizlikdir”, - Qorbaçov "İnterfaks”a bildirib.

"Mən əminəm ki, Rusiyasız bu qələbəni əldə etmək mümkün deyildi. Bundan başqa, mən bu qara-qəhvəyi zolağın harada dayanacağını, ümumiyyətlə, onu bizim dövrə qədər təsəvvür edə bilmirəm. Əgər bəzi siyasətçilər bunu anlamırlarsa, bu, onların problemidir, amma mən əminəm ki, dünya xalqları bunu anlayır”, - sabiq sovet lideri bildirib.

Onun sözlərinə görə, amerikalılar var, Amerika hakimiyyəti var:

"ABŞ hakimiyyəti öz ideoloji və siyasi məsələlərini həll edirlər, onların Moskvaya tədbirlərə getməmələrinin səbəbi bununla izah olunur”, - agentliyin həmsöhbəti əlavə edib.

Bundan başqa, Qorbaçov hesab edir ki, Almaniya kansleri Angela Merkelin may ayının 9-u Moskvaya gəlməkdən imtina etməsinin səbəbi ona rəsmi Vaşinqton tərəfindən güclü təzyiq ilə şərtlənib.  

"Merkelin mayın 9-u Moskvaya gəlməkdən imtina etməsi ilə mövqeyini qəbul edə bilmirəm, amma onu qınaya da bilmirəm”, - Qorbaçov deyib.

"Ona hörmətlə yanaşıram və onun davranışını anlayıram. Mən əminəm ki, bu qərar ABŞ hakimiyyətinin güclü təzyiqi ilə əlaqədardır. Siyasət siyasətdir”, - SSRİ-nin sabiq prezidenti qeyd edib.//Oxu.az