Obamanın ipoteka borcu var

Klintonlar bu gün də Obama cütlüyündən daha çox pul qazanır

Hillori və Bil Klinton cütlüyü 2014-cü ildə təkcə çıxışlarından 25 milyon dollar pul qazanıblar.

ANS PRESS-in məlumatına görə, "The Washington Post" yazı ki, bu məbləğ Klintonlar ailəsinin maliyyə hesabatında yer alıb və xəbəri Klinton seçki qərərgahı təsdiqləyib.

Dərgi qeyd edir ki, çıxışların sayı yüzü otür. Qeyd olunur ki, Hilari Klintonun bir çıxışı üçün qonorarı 300 min dollardır. Bundan əlavə Hilori Klinton "Çətin qərarlar” kitabının qonorarından da 5 milyon dollar daha qazanıb. 

Lakin ölkənin prezidenti və birinci xanımının gəlirləri Klinton ailəsi ilə müqayisədə çox azdır. Onların keçən il üçün gəlirləri demək olar ki, dəyişilməyib. Hazırda onların gəlirləri 1,9-6,9 milyon dollar arasındadır. 

Hesabatda qeyd olunur ki, Obamaların ən bahalı əmlakının 1-5 milyon arası qiyməti var. Lakin prezidentin yeganə borcu da əmlak borcudur. Cütlük Çikaqoda olan evə görə 500 min- 1 miyon dollar arası pul ödəməlidir. Öz növbəsində kredit 30 il müddətinə və 5,6 illik faizlə verilib.

Prezident və yoldaşının birgə yaydıqları vergi hesabatrına görə onlar keçən il 477 383 dollar pul qazanıblar. Bu keçən illə müqayisədə 3 715 dollar azdır. Federal vergi kimi isə cütlük 93 362 dollar pul ödəyiblər.

Bir qayda olaraq Obama ailəsi gəlirinin 14,8 faizini yəni 70 712 dollar vəsaitlərini xeyriyyə xərclərinə ayırıblar. Onlar 33 ayrı adlı xeyriyyə təşkilatına pul ödəyiblər. Xeyriyyə ödənişlərindən ən böyüyü 22 012 dollar isə amerikalı hərbiçilər və onların ailələrinə tibbi kömək göstərən Fisher House təşkilatına ödəyiblər. 

Qeyd edək ki, ABŞ prezidentinin maaşı ilə 400 min dollardır.