İŞİD bu şəhərdən qovuldu

ANN.Az xarici ölkə mediasına istinadən xəbər verir ki, Suriya ordusu Palmira şəhərinin yaxınlığındakı Tedmur şəhərinin şimalını ələ keçirən İŞİD döyüşçülərini məğlub etməyi bacarıb.

Fransız xəbər agentliyi AFP-yə açıqlama verən Talal Barazi 2 gün əvvəl şəhəri ələ keçirən İŞİD terrorçularının ötən gün şəhərdən qovulduğunu deyib. Barazi "İŞİD təhlükəsi sovuşdu" deyib. 

Suriya Qədim Əsərlər və Muzeylər Qurumunun rəhbəri Məmun Abdülkərim AFP-yə açıqlamasında "Yaxşı xəbərlərimiz var, antik şəhər İŞİD hücumu zamanı heç bir zərər görməyib" - sevinclə bildirib.

Qeyd edək ki, mayın 16-da İŞİD döyüşçüləri Tedmur şəhərini ələ keçirmiş, Palmira şəhərin də bir hissəsinə qədər irəliləyə bilmişdilər.