Dünya Türkləri Facebook-da səs verir

Facebook sosial şəbəkəsində "səs verirəm" düyməsi açılıb. ANS PRESS-in məlumatına görə, artıq bir müddətdir ki, ABŞ, İngiltərə, Şotlandiya, Hindistanda aktiv olan bu düymə Türkiyədə parlament seçkiləri zamanı da aktivləşdirildi. 

Bu gecə yarısından etibarən fəaliyyət göstərən həmin düymə "səsverməyə təşviq etmək" məqsədi güdür.

Yeni tətbiqetmə aktiv olduğu ilk 2 saat ərzində 150 min insan tərəfindən istifadə edilib. Səhər saatlarında isə artıq 600 mindən çox adam "səs verirəm" düyməsini basmışdı. Bundan başqa, bu düymə səs verənin qadın ya kişi olduğunu, hansı yaş qrupuna aid olduğunun da statsitikasını apara bilir.

Facebook-da səs vermək üçün türkiyəli istifadəçilər "Seçkilər bu gün" adlı səhifəyə daxil olmalı və facebook loqosu və türk bayrağından ibarət görüntününü yanında "səs verirəm" düyməsini basmalıdırlar. Onlar hansı partiyaya səs verdiklərini göstərmədən səsvermədə iştirak etdiklərini dostları ilə də paylaşa bilərlər.
www.ann.az