Sovet ordusuna qarşı vuruşan məşhur aktyor öldü

1922-ci il mayın 27-də Londonun Belqrava səmtində hərbçi ailəsində anadan olan Krostofer Li ilk rolunu 1931-ci ildə məktəb tamaşasında oynayıb. 1939-cu ildə SSRİ-Finlyandiya müharibəsi zamanı könüllü olaraq fin ordusuna yazılaraq bir neçə həftə döyüşlərdə iştirak edib. İkinci Dünya Müharibəsi zamanı isə Britaniya aviasiyasının pilotu kimi xidmət edib.

Müharibədən sonra 1948-ci ildə aktyor kurslarını bitirərək professional səhnə fəaliyyətinə başlayıb. Kristofer Li karyerası boyu 9 dəfə qraf Drakula obrazını canlandırıb. Bundan başqa, 1974-cü ildə Ceyms Bondun sərgüzəştlərindən bəhs edən "Qızıl tapançalı adam” filmində əsas mənfi rolu ifa edib.

Kristofer Linin son filmlərinə gəldikdə, o, "Ulduz müharibələri”ndə (1997-1999) qraf Duk, "Üzüklərin hakimi” (2001-2003) və Hobbit (2012-2014) trilogiyalarında kahin Saruman obrazını ifa edib.

Böyük Britaniya qarşısında xidmətlərinə görə Kristofer Li 2009-cu il noyabrın 5-də Bukinqem sarayında şahzadə Çarlz tərəfindən cəngavər titulu ilə mükafatlandırılıb. 

www.ann.az