Bu ölkədə istilər 700 nəfərin ölümünə səbəb oldu

ANN.Az xarici ölkə mediasına istinadən xəbər verir ki, Fransanın səhiyyə naziri Marisol Touraine ölkə ərazisində 29 iyun-5 iyul arasında yüksək isti hava səbəbilə 700 nəfər vəfat edib.

Nazirin veridiy məlumata görə, keçən ilin eyni tarixi ilə müqayisədə ölüm faizi 7, təcili yardım xidmətindən yararlanma faktı 3 dəfə artıb. Amma buna baxmayaraq, nazir 2003-cü ildə isti hava səbəbilə ölüm statistikasından aşağı olduğunu qeyd edib.

Fransada 29 iyun-5 iyul tarixləri arasında orta günlük tempratur 40 dərəcə istidən yuxarı olub və bu səbəblə hökumət SOS vermişdi.

Xatırladaq ki, 2003-cü ilin avqust ayında da ölkədə anomal isti hava nəticəsində əksəriyyəti evlərində tək yaşayan qocalar olmaqla 20 min adam vəfat etmişdi. Tək yaşayan qocaların ölməsi günlər sonra ortaya çıxmışdı.