Putin Ərdoğana "diktator" deyibmi? - Kremldən açıqlama

ANN.Az xarici ölkə mediasına istinadən xəbər verir ki, telekonfrans təşkil edən Peskov jurnalistlərin suallarını cavablandırıb, eyni zamanda Rusiya mediasında Putinin Ərdoğan haqqında sərt sözlər deməsi məsələsinə toxunub. Qeyd edək ki, bir müddət əvvəl rus mediası belə bir xəbər yayıb ki, Türkiyənin Moskvadakı səfiri Ümit Yardım Putinin qəbuluna çağrılıb və Rusiya prezidenti Türkiyə dövlət başçısını "diktator" adlandırıb. Peskov belə bir hadisənin heç bir zaman baş vermədiyini, ümumiyyətlə, səfir Ümit Yardımın Putinin qəbuluna çağrılmadığını, "diktator" ifadəsinin də işlədilmədiyini bəyan edib. 

Mətbuat katibi eyni zamanda "Bəşər Əsədin Rutindən Suriyaya rus ordusu göndərmək istəməsi" xəbərini də təkzib edib və ümumiyyətlə, belə bir məsələnin gündəmdə olmadığını deyib.