Koronavirus xəstəsinin son sözləri: “Bunların pulunu kim ödəyəcək?”

Nyu-Yorkdakı xəstəxanaların birində anestezioloq işləyən Derrik Smit koronavirusa yoluxan xəstənin onu təəccübləndirən son sözləri barədə danışıb.
Həkim ağciyərlərin süni ventilyasiya aparatına qoşulmadan əvvəl pasiyentin dediyi sözləri heç zaman unutmayacağını bildirib."Məndən soruşdu ki, bütün bunların pulunu kim ödəyəcək?.. İnsanların ölümdən əvvəl, bəlkə də, son anlarında pul barədə narahat olmaları çox kədərlidir”, - deyə o xatırlayır.
"Fikrimcə, hökumətin missiyası vətəndaşlarını qorumaq və dəstəkləməkdir. Ancaq onların tamamilə başqa bir işlə məşğul olduğu aydındır”, - deyə o bildirib.
Qeyd edək ki, Nyu-York ABŞ-da epidemiyadan ən çox zərər çəkən şəhərdir.



www.anews.az