Koronavirusa yoluxmuş həkim: "İnsanlara bu virus yoxdur deyib, onları çaşdırmayın"

Mərkəzi Neftçilər Xəstəxanasının həkimi, infeksionist Nicat Əzimlidə koronavirus aşkarlanıb, bu barədə o, Facebook səhifəsində məlumat yayıb. 

 

"Bugünkü 387 nəfərin içində mən də varam. Ciyərlərimdə vəziyyət heç də yaxşı deyil. Hər bir ehtimalı nəzərə alaraq, sizə bir mesajı çatdırmağı özümə borc bilirəm. Xahiş edirəm, bizə inanın, insanlara bu virus yoxdur deyib, onları çaşdırmayın. Həkimlərə sayğı göstərin. Unutmayın, sizin üçün həyatımızı riskə atmışıq. İnşallah görüşmək ümidi ilə”, -  deyə o, yazıb.