“Likud” liderdir, lakin heç bir blok çoxluq əldə edə bilməyib

İsraildə oktyabrın 27-də 120 yerlik birpalatalı parlamentə (Knesset) keçirilən seçkilərdə bülletenlərin 100%-i hesablandıqdan sonra Baş nazir Benyamin Netanyahunun “Likud” partiyası 27 mandatla lider mövqeyini qoruyub. Baş naziri dəstəkləyən sağ mərkəzçi blok 53 yer, müxalifət cinahı 48 yer qazanıb, ərəb partiyaları olan “Vahid Siyahı” (11 yer) və RAAM (8 yer) isə birlikdə 19 mandata sahib çıxıb. Beləliklə, heç bir blok hökumət qurmaq üçün zəruri olan minimum 61 yerlik çoxluğu təmin edə bilməyib.

Digər siyasi qüvvələrdən “Yaşar” 22 mandat, “Bəyahad” 12, “Demokratlar” 8 mandat əldə edib. “Evimiz İsrail”, “Birləşmiş Tövrat Yəhudiliyi” və “Otsma Yehudit” partiyalarının hər biri 7, “Dini Sionizm” və ŞAS partiyaları isə hərəyə 6 yer qazanıb. 3,25%-lik seçki baryerini aşa bilməyən “Ehtiyatçılar” (2,72%), “İsrail Xalqı” (1,68%) və “Haredilər” (0,19%) parlamentdən kənarda qalıb.